काठमाडौं, असोज २३ । काभा पुरुष भलिबल च्यालेन्ज कपमा आज नेपालले आयोजक श्रीलंकासँग प्रतिस्पर्धा गर्दैछ । अपरान्ह सवा ४ बजे सुरु हुने नेपाल र श्रीलंकाबीचको खेलमा नेपाल लगातार दोस्रो जितको खोजीमा छ । नेपालले पहिलो खेलमा बंगलादेशलाई हराउँदै विजयी सुरुवात गरेको थियो ।
बंगलादेशमाथि ५ वर्षपछि जित निकाल्ने क्रममा नेपालले २५-२०, १९-२५, २५-२३, २५-२१ को सेटमा जित निकालेको थियो । नेपालले प्रतियोगिताको तेस्रो खेलमा बुधबार अफगानिस्तानसँग खेल्ने तालिका छ ।
