काठमाडौं, असोज ३० । नेपालका लागि महिन्द्रा फोरव्हीलरको एक मात्र आधिकारिक बिक्रेता रहेको अग्नि ग्रुपले ललितपुरको कुपन्डोलमा नयाँ ट्विन पीक २ एस सर्भिस सेन्टर संचालनमा ल्याएको छ ।
सोमबारदेखि सञ्चालनमा आएको यस २ एस सर्भिस सेन्टरको अग्नि ग्रुपका क्षेत्रीय प्रबन्धक क्याबिनेट श्रेष्ठ, कार्यकारी निर्देशक सुसन श्रेष्ठ र अर्जुन प्रसाद शर्माद्वारा महिन्द्रा एण्ड महिन्द्रा तथा अग्नि ग्रुपका प्रतिनिधि र सञ्चारकर्मीहरुको उपस्थितिमा सामूहिक रूपमा उद्वघाटन गरेका छन् ।
अग्नि ग्रुपले हाल नेपाल अधिराज्यभरि रहेका आफ्ना नेटवर्कहरुबाट सेवाग्राहीलाई गुणस्तरीय सेवा दिइरहेको छ । उत्कृष्ट तथा सहज सेवाको पहुँच बढाउने उद्देश्यका साथ अग्नि ग्रुपले आफ्ना सेवाहरू यसरी नै नेपाल अधिराज्यभरि विस्तार गर्ने लक्ष्य पनि लिएको छ ।
