काठमाडौं,३० असोज । त्रिभुवन अन्तर्राष्ट्रिय विमानस्थलले नयाँ रेकर्ड बनाएको छ । विमानस्थलका अनुसार आवागमनमा नयाँ रेकर्ड बनाएको हो ।
यस विमानस्थलबाट पछिल्लो २४ घण्टामा ११४ वटा विमानले उडान अवतरण गरेका छन् । यो हालसम्मकै उच्च आवागमन हो । साथै सोही समयमा १६ हजार ५०९ जना यात्रुले सेवा लिएको विमानस्थलले जनाएको छ ।
अहिले नेपालमा चाडबाडको सिजन चलेको छ । साथमा पर्यटकीय मौसम समेत सुरु भएको छ । सोही कारण वायुसेवा कम्पनीहरुले उच्च चापमा उडान गरिरहेका छन् ।
