काठमाडौं, १ कार्तिक । प्रमुख प्रतिपक्षी दल नेकपा (एमाले) का महासचिव शंकर पोखरेलले आफ्नो पार्टी प्रतिपक्षमा रहेमा देशलाई सही दिशामा डोर्याएको बताएका छन् । उनले एमालेमाथि अहिले चौतर्फी घेरबन्दी र आक्रमण भइरहेको पनि टिप्पणी गरे ।
आज (बुधबार) आयोजित दसैँ शुभकामना कार्यक्रमलाई सम्बोधन गर्दै उनले यस्तो बताएका हुन् । उनले भने, ‘हामीले संकल्प गरेका छौं । एमालेलाई बलियो राष्ट्रिय शक्तिको रूपमा स्थापित गर्नुपर्छ । त्यसको जगमा राष्ट्र निर्माणको काममा अघि बढ्नुपर्छ भनेर हामी लागिरहेका छौं । मुलुकको राष्ट्रियताको पक्षमा एमाले र केपी ओली त्यसको नेतृत्वकर्ता हुनुहुन्छ । एमाले सरकारमा हुँदा हामीले देशको शिरलाई उँचो पारेका छौं ।’ file photo
