काठमाडौं,१० कार्तिक । नेपाली सेनाका प्रधानसेनापति प्रभुराम शर्मा चीन प्रस्थान गरेका छन्।
चिनियाँ जनमुक्ति सेनाको निमन्त्रणामा प्रधानसेनापति शर्मा चीन प्रस्थान गरेका हुन् । प्रधानसेनापति शर्मालाई त्रिभुवन अन्तर्राष्ट्रिय विमानस्थलमा रक्षा सचिव किरणराज शर्मा तथा बलाध्यक्ष सीताराम खड्काले विदाइ गरेका थिए।
भ्रमण दलमा मध्यपूर्वी पृतनापति उपरथी प्रेमध्वज अधिकारी,प्रधान सेनापतिको सैनिक सहायक तथा स्टाफलगायतको सहभागीता रहेको छ।
चीनमा रहेका बेला उनले सैनिक सहायता,सैन्य तालिमलगायत विषयमा छलफल गर्नेछन् ।
कात्तिक २ गते बिहीबार बसेको मन्त्रिपरिषद् बैठकले प्रधानसेनापति शर्माको चीन भ्रमण स्वीकृत गरेको थियो। उनको चीनको बेइजिङमा कात्तिक १२ देखि १४ गतेसम्म सञ्चालन हुने दसौं बेइजिङ स्याङ्गसन फोरमको उद्घाटन समारोहमा सहभागी हुने कार्यक्रम छ। प्रधानसेनापति शर्माले यसअघि बेलायत भ्रमणमा गरेका थिए ।
प्रधानसेनापति कार्त्तिक १६ गते स्वदेश फर्किनेछन्।
