काठमाण्डौं, कार्तिक १२ । युभेन्ट्स इटालियन सिरी ए को शीर्षस्थानमा उक्लिएको छ । शनिबार राती सम्पन्न खेलमा भेरोनालाई खेलको अन्तिम समयमा १–० गोलले हराउँदै युभेन्ट्स शीर्ष स्थानमा उक्लिएको हो ।
निर्धारित समय सकिएपछि ६ मिनेट थप गरेकोमा युभेन्ट्सका एन्ड्रिया कमबियासोले छैटौँ मिनेटमै गोल गरे । जितपछि युभेन्ट्स इन्टर मिलानलाई १ अङ्कले पछि पार्दै तालिकाको शीर्ष स्थानमा उक्लिएको हो । युभेन्ट्सका १० खेलबाट २३ अङ्क छ । ९ खेल खेलेको इन्टर मिलानको २२ अङ्क छ । युभेन्ट्ससँग पराजित भएको भेरोना ८ अङ्कसहित तालिकाको १६ औँ स्थानमा रहेको छ ।
