काठमाडौं, कार्तिक १५ । नेपाली बजारमा बुधबार सुनचाँदीको मूल्य घटेको छ । मंगलबार प्रतितोला १ लाख १६ हजार रुपैयाँमा कारोबार भएको छापावाला सुनको मूल्य आज एक हजारले घटेर १ लाख १५ हजार रुपैयाँमा कारोबार भइरहेको छ ।
त्यस्तै तेजावी सुन तोलामा एक हजार रुपैयाँले घटेर आज एक लाख १४ हजार ४ सय ५० रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार आज चाँदी मूल्य ३५ रुपैयाँले घटेको छ । आज चाँदी प्रतितोला १ हजार ३ सय ८५ रुपैयाँमा कारोबार भइरहेको छ ।
