काठमाडौं।२६ कार्तिक । नेपाली बजारमा आइतबार सुनचाँदीको मूल्यमा भारी गिरावट आएको छ ।
नेपाल सुनचाँदी व्यवसायी महासंघका अनुसार आइतबार सुनको मूल्यमा तोलामा एक हजारले गिरावट आएको छ । आइतबार छापावाला सुन तोलामा १ हजारले घटेर एक लाख १३ हजार सात सय रुपैंयाँमा कारोबार भईरहेको छ । शुक्रबार एक लाख १४ हजार ७ सय रुपैयाँमा छापावाल सुन र एक लाख १४ हजार १५० रुपैयाँमा तेजावी सुनको कारोबार भएको थियो ।
त्यस्तै आज चाँदी तोलामा २० रुपैयाँले गिरावट आउँदै तोलामा १ हजार ३ सय ८० ले कारोबार भईरहेको महासंघले जनाएको छ । शुक्रबार चाँदी प्रतितोला १ हजार ४ सयले कारोबार भएको थियो ।
