रुकुम-पश्चिममा जीप दुर्घटना, २२ जना घाइते

काठमाडौं,४ मंसिर । रुकुम पश्चिममा जीप दुर्घटना हुँदा २२ जना घाइते भएका छन् । सोमबार बिहान रुकुम पश्चिमको चौरजहारी नगरपालिका-८ गोइरीज्युलाको कालेगाउँ पुलनजिक जिप दुर्घटना परेको हो।

खोलागाउँदेखि जिल्ला सदरमुकाम मुसिकोट जाँदै गरेको लु १ ज २२९७ नम्बरको जीप दुर्घटनामा परी २२ जना घाइते भएको प्रहरीको भनाइ छ ।

प्रहरीका अनुसार घाइतेमध्ये सात जनाको अवस्था गम्भीर रहेको छ । उनीहरुलाई उद्धार गरेर जिल्ला अस्पताल ल्याईएको छ । घटनाको थप विवरण आउन बाकी रहेको छ ।