काठमाडौं, ४ मंसिर । प्यालेस्टिनी विद्रोही समूह हमासले एक थाई नागरिक र एक नेपालीलाई घाईते अवस्थामा अस्पताल पुर्याएको भिडिओ सार्वजनिक भएको छ ।
इजरायली डिफेन्स फोर्स (आईडिएफ) ले एक्स (ट्वीटर) मार्फत उक्त भिडिओ सार्वजनिक गरेको हो । उक्त भिडिओमा दुई जना घाईतेलाई उपचारका लागि अस्पताल लाँदै गरेको दृष्य छ । आईडिएफले उपचारका लागि हमासले अस्पताल पुर्याएका ती दुई जना नेपाली र थाई नागरिक भएको उल्लेख गरेको छ ।
आईडिएफले सार्वजनिक गरेको उक्त भिडिओमा दुई जना घाईतेमध्ये एक जनालाई स्ट्रेचरमा र अर्का एक जनालाई डोहोर्याएर अस्पतालभित्र लगेको देख्न सकिन्छ ।
आइडिएफले सार्वजनिक गरेको उक्त भिडिओमा देखिएका नेपाली नागरिक विपिन जोशी हुनसक्ने आँकलन गरिएको छ । हमासको आक्रमणमा परेको ४५ दिनसम्म विपिनको अवस्था अज्ञात छ ।
EXPOSED: This is documentation from Shifa Hospital from the day of the massacre, October 7, 2023, between the hours of 10:42 a.m and 11:01 a.m. in which hostages, a Nepalese civilian and a Thai civilian, were abducted from Israeli territory are seen surrounded by armed Hamas… pic.twitter.com/a5udjBw4wF
— Israel Defense Forces (@IDF) November 19, 2023
