काठमाडौं,५ मंसिर । नेकपा एमालेकी नेतृ तथा पूर्व सांसद गंगा चौधरी सत्गौवा राष्ट्रिय शक्ति नेपालमा प्रवेश गरेकी छन् ।
मंगलबार काठमाडौंमा एक कार्यक्रमको आयोजना गर्दै शक्ति नेपालले गंगालाई पार्टीमा भित्रयाएको हो । गंगा २०७४ सालको प्रतिनिधि सभामा एमालेको तर्फबाट समानुपातिक सांसद बनकी थिईन् । एमालेको पूर्व केन्द्रीय सदस्यसमेत रहेकी उनलाई पार्टी हितविपरीत कामगरेको भन्दै गतवर्ष एमालेले पार्टीबाट निष्कासित गरेको थियो ।
उनलाई राष्ट्रिय शक्ति नेपालका संयोजक केशरबहादुर विष्टले पार्टी प्रवेश गराएका हुन् । पार्टीमा प्रवेश गरेसँगै आजै उनी उक्त पार्टीको केन्द्रीय सदस्यसमेत मनोनीत भएकी छन् ।
पूर्वमन्त्री विष्ट नेतृत्वको पार्टीले संवैधानिक राजतन्त्र फिर्ता, हिन्दू राष्ट्र कायम, संघीयता खारेजसहित काग राख्दै निरन्तर आन्दोलन गर्दै आएको छ ।
