काठमाडौं, ७ मंसिर । नेपाली कांग्रेसका महामन्त्री गगनकुमार थापा पश्चिम नेपालमा छन् । उनी राजनीतिक कार्यक्रम लिएर देश दौडाहामा निस्किएका हुन् । हिजो नवलपुरमा एक कार्यक्रममा सहभागी भएका थापा आज अर्घाखाँची पुग्ने र आजै गुल्मीपनि पुग्ने बताईएको छ । उनले फेशबुकमार्फत आफ्नो कार्यक्रमबारे जानकारी गराएका छन् ।
अबको केही दिन पश्चिम तिर हुनेछु। नेपाली कांग्रेसका साथीहरूले विभिन्न ठाउँहरूमा पार्टीका कार्यक्रमहरू राख्नुभएको छ, हाम्रो साक्षात्कार त्यहाँ हुने नै छ। सँगै तपाईँहरूको गाउँ-ठाउँ, आँगन, पिँढी, चिया पसल, चौतारीहरूमा पनि भलाकुसारी गर्ने छु, गुनासाहरू सुन्ने छु, सुझाव लिने छु।
मेरो देश भरी यात्रा गर्ने तयारीमा अहिलेको छोटो यात्राको अनुभवले मद्दत पुर्याउने छ। आज, म नवलपुरमा छु। यहाँबाट अर्घाखाँची हुँदै गुल्मी आउने छु। त्यतै भेटौँ है! जय नेपाल!
