इतरसमूहको बैठक बहिस्कार गर्ने मूडमा महामन्त्री थापा

काठमाडौं, २५ असोज । नेपाली कांग्रेसका महामन्त्री गगन कुमार थापा पार्टीको इतरसमूहले बोलाएको बैठकमा सहभागी नहुने भएका छन् । आफूसँग सल्लाहनै नगरी बैठक बोलाइएको भन्दै थापाले सहभागी नहुने मनस्थिति बनाएको उनी निकट स्रोतले बतायो ।

कांग्रेस नेता डा. शेखर कोइरालाले भोलि (२६ गते) आफू निकट पार्टी पदाधिकारी, केन्द्रीय सदस्य, सांसद र नेताहरुको भेला बोलाएका छन् । भेलामा आसन्न राष्ट्रिय सभा निर्वाचन, पार्टीको आसन्न महासमिति बैठक र समसायिक राजनीतिक विषयमा छलफल हुने बताइएको छ ।

पछिल्लो समय गगन–शेखरबीच सम्बन्ध चिसिँदै गएको छ । शेखरले काठमाडौंमा गुटको भेला बोलाइरहँदा गगन भने बारा जिल्लामा आयोजना हुने कार्यक्रममा सहभागी हुन जाने बताइएको छ । File photo/RN