काठमाडौं, २६ मंसिर । लागूऔषध कारोबारीलाई नियन्त्रणमा लिन प्रहरीले गोली चलाएको छ । ललितपुरको झम्सिखेलमा आज (मंगलबार) प्रहरीले लागूऔषध कारोबारीलाई नियन्त्रणमा लिने क्रममा गोली चलाएको हो ।
प्रहरीको अपराध अनुसन्धान कार्यालयको टोलीले गोली चलाएर एक जना लागूऔषध कारोबारीलाई पक्राउ गरेको छ । प्रहरीले चलाएको गोली लागेर पक्राउ परेको अविनाश राई घाईते भएका छन् ।
उनलाई उपचारका लागि ट्रमा सेन्टर ल्याइएको छ । राईको साथबाट प्रहरीले लागूऔषध समेत बरामद गरेको छ । पक्राउ परेका राई उदयपुरका रहेको प्रहरीले जनाएको छ ।
