काठमाडौं, २६ मंसिर । गायक रोशन बालुवा र प्रविसा अधिकारिको स्वरमा रहेको लोक पप जनराको गीत ‘मायाकै संसार’ सार्वजनिक भएको छ । आधुनिक, शास्त्रीय, लोक, तथा गजल गायनमा पोख्त गायक बालुवाको लोक पप जनराको गीत सार्वजनिक भएको हो ।
दुई दशकभन्दा लामो समयदेखि गायन क्षेत्रमा रहेका गायक बालुवाले मायाकै संसारमा स्वर दिएका छन् । ‘२० वर्षदेखि गायक क्षेत्रमा छु । पहिलोपटक फरक जनराको गीतमा स्वर दिएको छु । सुरुमा नयाँ गर्न सक्दिनँ कि भन्ने थियो । तर, न्यायपूर्वक गाउँने कोशिस गरेको छु । दर्शक र स्रोताले मन पराउनुहुन्छ भन्ने विश्वास छ,’– उनले भने ।
उक्त गीतको शब्द लेखु सहयात्रीको रहेको छ । संगीत रोशन बालुवा आफैंले गरेका छन् । मदन खडकाले निर्देशन गरेको उक्त गीतको भिडियोमा उशा उप्रेति र दिनेश तामाङलाई फिचरिङ गरिएको छ । करन चैसिरको छायांकन रहेको भिडियोलाई विकाश ज्ञवालीले सम्पादन गरेका छन । भिडियो ओएस आर डिजिटलको युटुब च्यानलमार्फत सार्वजनिक गरिएको हो ।
