काठमाडौं, पुस १ । आज एकै पटक तीन वटा संसदीय समितिको बैठक बस्दैछ । जसअनुसार बिहान ११ बजेदेखि संसदीय सुनुवाई समितिको बैठक बस्न लागेको छ । उक्त बैठकमा सर्वोच्च अदालतका प्रश्तावित न्यायाधिश महेश शर्मा पौडेल र टेकप्रसाद ढुंगानाको सुनुवाई हुनेछ ।
बिहान साढे ११ बजे बस्ने प्रत्यायोजित व्यवस्थापन तथा सरकारी आश्वासन समितिको बैठकमा स्थलगत अध्ययन, अवलोकन तथा अनुगमनबाट देखिएका विषय र सरकारी आश्वासन कार्यान्वयन सम्बन्धमा भौतिक पूर्वाधार तथा यातायात मन्त्रीसँग छलफल हुनेछ ।
त्यस्तै, दिउँसो २ बजे बस्ने विधायन व्यवस्थापन समितिको बैठकमा शहीद दशरथ चन्द स्वास्थ्य विज्ञान विश्वविद्यालय विधेयक, २०८० सम्बन्धी मस्यौदा प्रतिवेदनमा छलफल हुनेछ ।
