गोरखाको ‘जनतासँग माओवादी कार्यक्रम’ मा प्रचण्डका नातिनी र नातिनी ज्वाँईपनि सहभागी

काठमाडौं, ११ पुष । प्रधानमन्त्री पुष्पकमल दाहाल आफ्नो पार्टी नेकपा (माओवादी केन्द्र) को ‘जनतासँग माओवादी कार्यक्रम’ नामक गोरखामा आयोजित कार्यक्रममा सरिक भएका छन् । सो कार्यक्रममा प्रचण्डका नवविवाहिता नातिनी प्रभा पाठक र नातिनी ज्वाँई विज्ञानबाबु रेग्मी पनि सरिक भएका छन् ।

प्रचण्डकी छोरी रेनु दाहालकी छोरी प्रभाले हालै गोरखाका रेग्मीसँग लगनगाँठो कसेकी हुन् । रेग्मी हाल स्विट्जरल्याण्डको प्रसिद्ध विश्वविद्यालयबाट अर्थशास्त्रमा पिएचडी गर्दैछन् । प्रभाले भने बेलायतको अक्सफोर्डबाट स्नातकोत्तर सकाएकी हुन् । उनीहरु आज गोरखामा आयोजित पार्टीको कार्यक्रममा दर्शक दीर्घामा सरिक भएका हुन् ।

Photo Source: Pradeep Raj Onta/PM Prachanda’s Secretariat