काठमाडौं, २१ पुस । आसन्न राष्ट्रिय सभा सदस्य निर्वाचनमा गठबन्धन दलबाट साझा उम्मेदवार तय गर्न बैठक सुरु भएको छ । प्रधानमन्त्रीको सरकारी निवास बालुवाटारमा अहिले सत्तारुढ दलबीच छलफल चलिरहेको छ ।
बैठकमा नेकपा (माओवादी केन्द्र) का अध्यक्ष एवं प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा, नेकपा (एकीकृत समाजवादी) का अध्यक्ष माधव कुमार नेपाललगायतका शीर्ष नेताहरु सहभागी छन् ।
गठबन्धन दलका नेताहरुले राष्ट्रिय सभा निर्वाचनमा आ–आफ्नो अडान कायमै राखेका छन् । जसका कारण लामो समयको प्रयासमा पनि राष्ट्रिय सभा निर्वाचनलाई लिएर गठबन्धन दल निश्कर्षमा पुग्न सकेको छैन ।
