काठमाडौं, २७ पुस । नवलपुरको हुप्सेकोट गाउँपालिकास्थित जनकल्याण राष्ट्रिय माध्यमिक विद्यालयको शैक्षिक उन्नयन, स्तरोवृद्धि तथा भौतिक पूर्वाधार विकास सहयोगार्थ श्रीमद्भागवत महापुराण सप्ताह ज्ञान महायज्ञ धनधान्याञ्चल तथा धार्मिक महोत्सव आयोजना गरिएको छ ।
आजदेखि सुरु भएको उक्त महायज्ञ धनधान्याञ्चल तथा धार्मिक महोत्सव माघ ६ गतेसम्म जारी रहने छ । सुप्रसिद्ध कथा वाचक व्यासाचार्य पं. ईश्वर रेग्मी तथा बालवाचिका राधिका लम्साल मुखारवृन्दबाट विभिन्न देवलिला, जनचेतना मुलक नाटक प्रस्तुतीसहित संगीतमय कथा प्रवचन हुने बताइएको छ ।
