काठमाडौं, माघ २ । नेपाली चलचित्र ‘उपहार’को ‘फस्टलुक पोस्टर’ सार्वजनिक गरिएको छ। चलचित्र निर्माण पक्षले फिल्मका प्रमुख कलाकारलाई स्थान दिँदै माघे संक्रान्तिको अवसर पारेर फस्टलुक पोस्टर सार्वजनिक गरेको हो।
स्टरमा अभिनेत्री रेखा थापा, पूजा शर्मा, बेनिशा हमाल र मुकुन भुषाललाई स्थान दिइएको छ। पोस्टरमा रेखालाई थर्मस र चियाको ग्लास बोकेको देखाइएको छ भने अभिनेता मुकुन भुषाल ह्वीलचेयरमा बसेका छन्। उनलाई रेखाले दुई हातले समाएर माया गरेको देख्न सकिन्छ।
पोस्टरमा अभिनेत्री पूजा खुशी देखिएकी छन् भने बेनिशाले केही भन्न खोजेको देखाइएको छ। अर्को फस्टलुक पोस्टरमा अभिनेता तेज गिरी र अभिनेत्री बेनिशालाई बेहुलाबेहुली लुक्समा देखाइएको छ। जहाँ मुकुन र रेखा तथा समर्पण जंग कार्की र पुजा शर्मा पनि देखिएका छन् ।
त्यस्तै अर्को फस्टलुक पोस्टरमा रिबन बाँधिएको छ। जहाँ मुकुन भुषाल, रेखा थापा, पुजा शर्मा र बेनिशा हमाललाई खुशी भावमा देखाइएको छ। ज्ञानेन्द्र देउजाको निर्देशन रहेको चलचित्र रेखा फिल्मस् र कपनगढी सिनेमा प्रालिको व्यानरमा निर्माण गरिएको हो ।सुलभ प्रतीक देउजा र समीक्षा देउजा निर्माता रहेको चलचित्रको कार्यकारी निर्माता बलराम शाही ठकुरी हुन्।
चलचित्रका दुई गीत ‘वाह वाह वाह’ र ‘मुटुको चार आना’ बोलका गीत सार्वजनिक भइसकेका छन् । फिल्ममा रेखा थापा, मुकुन भुसाल, पूजा शर्मा, बेनिशा हमाल, तेज गिरी, समर्पण जंग कार्की, सुष्मा कार्की, अंशु महर्जन र आशा भुसालको अभिनय छ। चलचित्र फागुन २५ गते सार्वजनिक हुँदैछ ।
