काठमाडौं, ८ माघ । हेल्पर केयरिङ सर्कलको दोस्रो वार्षिकोत्सव तथा सम्मान कार्यक्रम सम्पन्न भएको छ । वार्षिकोत्सव तथा सम्मान कार्यक्रम विश्वास घिमिरेको अध्यक्षतामा बुटवल–९ इताभती , बुटवल नमो बुद्ध होटेलमा भएको थियो । कार्यक्रमको प्रमुख अतिथि वरिष्ठ अधिवक्ता तेजप्रसाद कणेल रहेका थिए ।
कार्यक्रममा अध्यक्ष घिमिरेले सुरुवाती समयदेखि नै क्लबले राम्रा कार्य गर्दै आएको बताए । उनले क्लबको उचाईलाई थपमाथि पुर्याउन सबैको साथ र सहयोगको आह्वान समेत गरे । अध्यक्ष घिमिरेले विद्यार्थी वर्गको समस्या निराकरण ,सामाजिक विकास , असाहय, अपाङ्ग वर्गको सहयोग, निःशुल्क स्वास्थ्य परीक्षण , शैक्षिक सामग्री वितरण, वातावरण संरक्षणलगायतका क्षेत्रमा क्लबले अहिलेसम्म विभिन्न काम गर्दै आएको बताए । अध्यक्ष घिमिरेले आगमी दिनहरुमा विभिन्न सहयोग, सचेतनामूलक कार्यक्रम र सामाजिक काम गर्ने क्लबको लक्ष्य रहेको बताए ।
प्रमुख अतिथि अधिवक्ता कणेलले युवाहरुको सक्रियतामा राम्रो सामाजिक कार्यमा सधैं साथ रहने बताए । साथै, आगामी दिनमा सबैसँगको सहकार्यमा सामाजिक कार्य गर्नसमेत उनले आग्रह गरे । उनले क्लबले आयोजना गर्ने सम्पूर्ण कार्यमा सबैले हातेमालो गर्दै अघि बढ्नुपर्नेमा जोड दिए । क्लबका सल्लाहकार गणेश पौडेलले सुरुवाती समयदेखिनै राम्रा कार्य गर्दै क्लबको उचाई माथि पुर्याएको भन्दै अध्यक्ष घिमिरेलगायतका टिमलाई धन्यवाद दिए ।
कार्यक्रमका अतिथि सुशिल बस्यालले क्लबलाई उचाईमा पुर्याएकोमा सम्पूर्ण टिमलाई बधाइ दिए । साथै, उनले आगामी दिनमा सफलताको शुभकामनासमेत व्यक्त गरे । क्लबका अध्यक्ष घिमिरेको आज परेको जन्मदिनको समेत उनले शुभकामना व्यक्त गरे । कार्यक्रममा हेल्पर केयरिङ सर्कल क्लबको उपाध्यक्ष सृष्टि बस्यालले स्वागत मन्तव्य राखेकी थिईन् ।
कार्यक्रममा सहभागी अतिथि र क्लबका सदस्यहरूलाई मायाको चिनोले सम्मान गरिएको थियो ।कार्यक्रममा क्लबकी कोषाध्यक्ष एलिसा पौडेल , सहसचिव सागर पौडेल, वरिष्ठ उपाध्यक्ष गणेश पौडेल, सदस्यहरु यमुना जिसी ,अन्जु चौधरी, गीत भण्डारी, अनु सुनार , कपिल भुसाल, विश्व भुसाललगायतको उपस्थिति रहेको थियो । कार्यक्रम सञ्चालन क्लबकी सचिव स्मृति खनालले गरेकी थिईन् ।
