काठमाडौं, ११ माघ । नुवाकोटको सूर्यगढी गाउँपालिका वडा नं. ५ को सोगदे दोभानमा आजदेखि श्रीमद् भागवत सप्ताह ज्ञान महायज्ञ सुरु भएको छ । आजदेखि सुरु भएको महायज्ञ माघ १८ गतेसम्म जारी रहने छ । सूर्यगढी गाउँपालिका वडा नं. ५ का वडा अध्यक्ष अच्युत ढकालले गुरुकूल स्थापनार्थ श्रीमद् भागवत सप्ताह ज्ञान महायज्ञ आयोजना गरिएको बताए ।
सु–प्रसिद्ध कथा वाचक बालव्यास ज्योतिष पण्डित शंकर प्रसाद खनालको मुखारविन्दबाट संगीतमय कथा वाचन भइरहेको छ ।श्रीमद् भागवद् सप्ताह ज्ञान महायज्ञको उद्घाटनमा प्रमुख अतिथि गुरु दीपक सुवेदी रहेका थिए । आमाबुबा गुरुकूलद्वारा आयोजित श्रीमद् भागवद् सप्ताह ज्ञान महायज्ञमा संस्थाका अध्यक्ष जयराम ओली, युवा व्यवसायी तथा समाजसेवी अशोक धमला र व्यवसायी देवेन्द्र दाहाल अतिथि थिए ।
