काठमाडौं, १७ माघ । काभ्रे स्थायी घर भएकी ९३ वर्षीय बेलकुमारी श्रेष्ठ मुटुको चाल र दाहिने नशा पूरै बन्द भएको अवस्थामा गंगालाल हृदयरोग केन्द्र उपचारको लागि पुगेकी थिईन् । उनको उपचार डा. सञ्जय सिंह केसीले गरेका हुन् ।
माघ ११ गते उपचारको लागि पुगेकी श्रेष्ठको मुटुको चाल बन्द भएको थाहा भएसँगै सो अस्पतालका मुटुरोग विशेषज्ञ डा. केसीको नेतृत्वमा गति बन्द भएको मुटुको दाहिने नसा नै प्राईमेरी एंजियोप्लास्टी गरेर तत्काल बन्द भएको नसालाई उपचार गरी श्वाँसप्रश्वाँस सहज बनाइएको हो ।
यस्तोखाले विरामीको उपचार गरेको डा. सिंहको लागि पनि पहिलो थियो । नेपालमा यसरी ९३ वर्षको उमेरमा मुटुको सफल शल्यक्रिया भएको यो पहिलो घट्ना हुनसक्ने डा. केसीले जनाए । अहिले विरामीको अवस्था एकदमै राम्रो छ । परिवारमा पनि खुशीयाली छाएको छ।
