काठमाडौं,२२ माघ । लामो समयदेखि छोरीको हत्यारालाई कारबाहीको माग गर्दै आन्दोलनमा होमिएका जनकपुरका आरती साहको परिवारमाथि प्रहरीले धरपकड गरेको छ ।
प्रहरीले आज सिंहदरबार अगाडि प्रदर्शन गर्नेक्रममाा आरतीकी आमा र भाईलाई गिराफ्तार गरेको हो ।आरतीको न्यायको लागि ज्ञापनपत्र बुझाउन सिंहदरबार छिर्ने क्रममा उनीहरूलाई प्रहरीले पक्राउ गरेको हो ।
गत जेठ ७ गते आरती आफ्नै घर जनकपुरधाम उपमहानगरपालिका–९ थापाचोकमा मृत अवस्थामा फेला परेकी थिइन् ।
उनको हत्या भएको भन्दै माइती पक्षले प्रहरीमा जाहेरी दिएका थिए । यसपछि प्रहरीले आरतीका पति मोतीबाबु र ससुरा मदनमोहन ब्याहुत सुडीलाई पक्राउ गरी अनुसन्धान गरेको थियो ।
आरतीका आमा, बुवा र बहिनी विगत ६ महिनादेखि काठमाडौंमा धर्ना नै बसेका छन् । तस्बिर/ मुकुन्द कालिकोटे- रिपोर्टर्स नेपाल
