काठमाडौं, २६ माघ । जनता समाजवादी पार्टी (जसपा) नेपालका तीन पालिका समिति पुनर्गठन भएका छन् । यसरी पुनर्गठन गरिएका पालिकामा उपमहानगरपालिकादेखि गाउँपालिका समितिसम्म छन् । जसपाले छबिलाल वाईवाको अध्यक्षतामा हेटौडा उपमहानगरपालिका समिति पुनर्गठन गरेको छ । वाइवा नेतृत्वको समिति २५ सदस्यीय रहेको छ ।
त्यस्तै, ईलामको माई नगर समिति रामबहादुर राइको अध्यक्षतामा पुनर्गठन भएको छ । राईको अध्यक्षतामा पुनर्गठन गरिएको समिति ३१ सदस्यीय छ ।
त्यसैगरी, जसपाले मोरङको धनपालथान गाउँपालिका समिति पनि पुनर्गठन गरेको छ । प्रमोदकुमार शर्माको अध्यक्षतामा १५ सदस्यीय गाउँ समिति बिहीबार पुनर्गठन गरिएको हो ।
