काठमाडौं, २६ माघ । नेकपा (एकीकृत समाजवादी) ले कोशी प्रदेश संसदीय दलले कोशी सरकारलाई दिएको समर्थन फिर्ता लिने चेतावनी दिएको छ । आज (बुधबार) मुख्यमन्त्री केदार कार्कीले मन्त्रिपरिषद् विस्तार गरेका थिए । मन्त्रिपरिषद् विस्तारमा विगतको सहमति कार्यान्वयन नभएको भन्दै नेकपा (एस) ले असन्तुष्टि जनाएको हो ।
नेकपा (एस) ले मुख्यमन्त्री कार्कीले विगतको सहमतिअनुसार गल्ती नसच्याए विकल्प खोजेर अघि बढ्ने चेतावनी दिएको छ । मुख्यमन्त्री कार्कीले आज कांग्रेसका २ मन्त्री तथा २ राज्यमन्त्री र माओवादी केन्द्रबाट २ जना मन्त्री नियुक्त गरेका थिए । नेकपा (एस) ले कोशीमा अहिले एउटा मन्त्री पाइसकेको छ । विगतमा दुई वटा मन्त्री दिने सहमति भएको भन्दै संसदीय दलका नेता राजेन्द्र राईले असन्तुष्टि जनाएका हुन् ।
