पहिचान र अधिकार पक्षधर गोलबद्ध हुनुपर्ने प्रधानमन्त्री प्रचण्डको भनाई

काठमाडौं, २७ माघ । प्रधानमन्त्री पुष्पकमल दाहालले पहिचान र अधिकारको पक्षमा सङ्घर्षरत राजनीतिक शक्तिहरु मिलेर अघि बढ्दा नै संघीयता कार्यान्वयनमा सहयोग पुग्ने बताएका छन् । आज (शनिबार) सोनाम ल्होछारका अवसरमा काठमाडौंको टुँडिेलमा आयोजित कार्यक्रमलाई सम्बोधन गर्दै उनले यस्तो बताएका हुन् ।

सम्बोधनको क्रममा उनले भने,“म यसै मञ्चबाट विशेष अनुरोध गर्दछु, पहिचान र अधिकारको पक्षमा सङ्घर्षरत राजनीतिक शक्ति र नेतृत्वलाई तपाईंहरूले राम्रोसँग चिन्नुस्, यसको वरिपरि गोलबन्द हुनुस्, फेरि हामी शक्तिशाली हुनेछौँ, आन्दोलनका बाँकी कार्यभारहरू पूरा हुनेछन् ।”

सो अवसरमा उनले आफू नेतृत्वको सरकारले गरेका कामको फेहरिस्त पनि सुनाए । उनले भने,“मुख्यतः सङ्घीय निजामती सेवा ऐन, सङ्घीय क्षा ऐन, सङ्घीय प्रहरी ऐन लगायतका सङ्घीय ऐनहरू पारित गर्न मैले उच्च महत्त्व दिएको छु । प्रहरी समायोजनको प्रक्रिया अन्तिम चरणमा पुगेको छ ।” Photo By: Mukunda Kalikote/RN