काठमाडौं, २९ माघ । मोरङ अटो वर्क्स जेसीबी वेष्ट साउथ एशिया रिजन डिलर्स अवार्ड २०२३ बाट सम्मानित भएको छ। फेब्रुअरी ९, २०२४ मा पोर्चुगलको लिसबनमा आयोजित जेसीबी वार्षिक डिलर कन्फ्रेन्स २०२४ कार्यक्रमका माझ मोरङ अटो वर्क्स जेसीबी लाई उक्त अवार्ड प्रदान गरिएको थियो।
जेसीबि यूकेका ग्रुप सीईओ ग्रेमी म्याकडोनाल्ड तथा जेसीबि ईन्डियाका सीईओ तथा प्रबन्ध निर्देशक दीपक शेट्टीले मोरङ अटो वर्क्स जेसीबीका अध्यक्ष विष्णुकुमार अग्रवाल तथा कार्यकारी निर्देशक तथा प्रमुख कार्यकारी अधिकृत गोपाल कुमार अग्रवाललाई उक्त अवार्ड प्रदान गरेका थिए ।
अन्तर्राष्ट्रिय अवार्ड प्राप्त गर्न सफल भएकोमा आफूहरु अत्यन्तै गौरवान्वित भएको मोरङ अटो वर्क्सले जनाएको छ । साथै, मोरङ अटो वर्क्स– जेसीबिले कम्पनीलाई यस स्थानसम्म ल्याईपुर्याउन सहयोग गर्ने सबैलाई धन्यवाद ज्ञापन गरेको छ ।
पुरस्कार प्राप्त गरेपछि अध्यक्ष अग्रवालले भने, ‘म जेसीबी टिम र सबै सम्बन्धित व्यक्तिहरूलाई यस उचाइमा पुग्नमा सहयोग गर्ने भन्ने लागि आभारी छु। भविष्यमा थप उपलब्धिहरूको दिशामा हामी देख्दछौँ ।’
