काठमाडौं, फागुन ६ । तनहुँको आँबुखैरेनी गाउँपालिका–२ नारी घाटमा बोलेरो जिप दुर्घटना हुँदा एकको मृत्यु भएको छ । दुर्घटनामा सात घाइते भएका छन् । डुम्रेबाट आँबुखैरेनी जाँदै गरेको बा १६ च ४९१८ नम्बर को बोलेरो अनियन्त्रित भई शुक्रवार साँझ ८ः१० बजे सडकको छेउमा पल्टिदा चितवनको ईच्छाकामना गाउँपालिका वडा नंम्बर ६ बस्ने वर्ष २२ को सागर गुरुङको मृत्यु भएको हो ।
दुर्घटनामा घाइते भएका उनको उपचारको क्रममा शुक्रबार राती भरतपुर अस्पताल चितवनमा मृत्यु भएको प्रहरीले जनाएको छ । दुर्घटनाका सबै घाईतेका पुरानो मेडिकल कलेजमा नै उपचार भइरहेको छ ।
घाइतेहुनेहरुमा ईच्छाकामना गाउँपालिका ५ बस्नेहरू २२ वर्ष को डम्बर बहादुर गुरुङ, वर्ष २४ को कमल गुरुङ, वर्ष ४६ को रुद्रबहादुर चेपाङ, वर्ष १८ को जित गुरुङ गुरुङ, ईच्छाकामना गाउँपालिका–६ बस्ने वर्ष १९ को रूपक गुरुङ, भरतपुर महानगरपालिका– २९ बस्ने वर्ष ३४ को टेस्ट बहादुर गुरुङ र गोरखाको सहिद लखन गाउँपालिका–३ बस्ने वर्ष ३० को पूर्ण गुरुङ रहेका छन् ।
