काठमाडौं, २४ फागुन । नेपाली कांग्रेस संसदीय दलको बैठक जारी रहेको छ । सत्ता गठबन्धनबाट बाहिरिएर प्रमुख प्रतिपक्षीको भूमिकामा पुगेको कांग्रेसले अहिले विहान ११ बजे बस्ने प्रतिनिधि सभा बैठकमा प्रतिपक्षीको भूमिकामा कसरी प्रस्तुत हुने भन्नेबारे छलफल गर्न संसदीय दलको बैठक बसेको हो ।
बानेश्वरस्थित सङ्घीय संसद् भवनको ल्होत्से हलमा बस्ने बैठकमा समसामयिक राजनीतिक विषयहरू र पार्टीको अबको रणनीतिका विषयमा छलफल भइरहेको छ । संसदीय दलको बैठक बस्नु अघि बिहान साढे ८ बजे संसदीय दल कार्यसमितिको बैठक समेत बसेको थियो । Photo By: Mukunda Kalikote/Reporters Nepal
