काठमाडौं, २४ फागुन । जनता समाजवादी पार्टी (जसपा) का नेता एवं प्रतिनिधि सभा सदस्य प्रकाश अधिकारीले आफूहरु सरकारमा जाने बताएका छन् ।
हिजो (बुधबार) प्राइम टाइम्स टेलिभिजनको जनता जान्न चाहन्छन् कार्यक्रममा पत्रकार ऋषि धमलासँग संवाद गर्दै उनले आफूहरुको सरकारमा जानेबारेमा कुनै असहमति नरहेको र हिजो छलफल गर्दागर्दै सरकारमा सहभागी हुन नभ्याएको बताएका हुन् । उनले अबको केही दिनमै सरकारमा सहभागी हुने बताए ।
‘हाम्रो पार्टी सरकारमा नजाने भन्ने कुरा गरेको छैन । आज निर्णय भइसकेको थिएन । केही कुरा गठबन्धनमा छलफल गर्न बाँकी थियो । त्यो गर्दागर्दै ढिलो भयो,’– उनले भने ।
