काठमाडौं, १८ चैत । रिपोर्टर्स क्लब नेपालको २६औं वार्षिकोत्सवको अवसरमा युवा समाजसेवी तबरेज आलम सम्मानित भएका छन् । शनिबार काठमाडौंको होटल एभरेष्टमा आयोजित समारोहमा प्रधानमन्त्री पुष्पकमल दाहाल ‘प्रचण्ड’ र क्लबका सभापति ऋषिराज धमलाले संयुक्त रुपमा आलमलाई सम्मान गरेका हुन् ।
आलमले सामाजिक क्षेत्रमा निरन्तर क्रियाशिल रहेर समाजसेवाका विविध क्षेत्रमा पुर्याएको योगदानको उच्च मूल्याङ्कन गर्दै क्बले सम्मान प्रदान गरेको हो ।
‘नेपालको सामाजिक क्षेत्रमा निरन्तर क्रियाशिल रहनु भएको तपाईले समाजसेवाका विबिध क्षेत्रमा महत्वपूर्ण योगदान पु¥याउँदै आउनु भएको छ । समाजसेवाको क्षेत्रमा सदैव समर्पित रही तपाईंले पु¥याउनु भएको योगदानको उच्च कदर गर्दै रिपोर्टर्स क्लब नेपाल तपाईंको यूवा समाजसेवी श्री तबरेज आलमज्यूलाई २६औं बार्षिकोत्सव–२०८० को अवसरमा सम्मान गर्दछ,’– सम्मानपत्रमा भनिएको छ ।
क्लबको २६औं वार्षिक उत्सवको अवसरमा आयोजित कार्यक्रममा पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओली, पूर्व प्रधानन्यायधीस हरिकृष्ण कार्की, नेपाल सरकारका मन्त्रीहरु, सांसदहरु, सचिवहरु, सुरक्षा निकायका प्रमुखहरु, नागरिक अगुवासहित विविध क्षेत्रका विशिष्ट ब्यक्तित्वहरुको उपस्थिति रहेको थियो ।
