काठमाडौं, चैत २२ । गायक राजेश पायल राई पक्राउ परेका छन् । मदिरा सेवन गरेर होहल्ला गरेको आरोपमा राई गएराति पक्राउ परेका हुन् ।
राजेश पायल राईसहित तीन जनालाई मदन भण्डारी कलेज अगाडिबाट पक्राउ गरी प्रहरी वृत्त नयाँबानेश्वरमा राखिएको काठमाडौं उपत्यकाका प्रहरी कार्यालयले जनाएको छ ।
प्रहरीले होहल्ला नगर्न आग्रह गर्दा उनीहरुले प्रहरीलाई सरुवा गर्ने धम्की दिएपछि पक्राउ गरिएको प्रहरीले जनाएको छ। उनीहरुलाई अहिले प्रहरी हिरासतमा राखेर थप अनुसन्धान भइरहेको छ।
