काठमाडौं, वैशाख ८ । नेपाल समाजवादी पार्टी परित्याग गरी वैशाख ३ गते माओवादीमा फर्किएका विश्वदीप पाण्डे प्रधानमन्त्री पुष्पकमल दाहाल प्रचण्डका युवा तथा सामाजिक विकासविज्ञमा नियुक्त भएका छन् । मन्त्रिपरिषद्को बिहीबारको बैठकले पाण्डेलाई सामाजिक विकासविज्ञ नियुक्त गरेको हो ।
पाण्डे माओवादीमा फर्किनुअघि नेपाल समाजवादी पार्टी केन्द्रीय राजनीतिक समिति सदस्य थिए । लामो समय बाबुराम भट्टराईका स्वकीय सचिव रहेका पाण्डे भट्टराईले माओवादी छाडेर नयाँ शक्ति पार्टी घोषणा गर्दा उनीसँगै गएका थिए ।
