काठमाडौं । नेकपा एमालेका पोलिटब्युरो सदस्य गोकुलप्रसाद बाँस्कोटाले नेकपा एकीकृत समाजवादीका अध्यक्ष माधव नेपालालई ‘सत्ताको च्याँखे दाउमा बसेको नेता’भन्दै कटाक्ष गरेका छन्।
देशले नेताहरुबाट जनताको समस्या समाधान गर्ने क्षमता र दृढता खोजिरहेको भएपनि माधव नेपालले सत्ताको लागि बार्गेनिङ गरिरहेको भन्दै बाँस्कोटाले सामाजिक सञ्जालमार्फत् नेता नेपालप्रति व्यंग्य गरेका हुन्।
‘नेताहरुमा देश र जनताको समस्या समाधान गर्ने क्षमता र दृढता खोजेको तर एउटा च्याँखे दाउमा बसेको नेताले कम्जोर नठान म संग सत्ता उलटफेर गरिदिने क्षमता छ (भनेछन।यो प्रयोगशामा त परिक्षण गर्न के पो बाँकी छ र ? धम्कीले काम चलेपछि के लाग्छ र ?’ उनले भनेका छन् ।
शुक्रबार गृह जिल्ला रौतहट पुगेका नेपालले सत्ता गठबन्धनका दलहरुले हेपेमा आफू चुपलागेर नबस्ने चेतावनी दिएका थिए । जसलाई बास्कोटाले व्यंग्य गरेका हुन् ।
