काठमाडौं, २१ बैशाख। नेपाल विद्यार्थी संघको प्रवक्तामा जुम्लाका सुरज सेजुवाल नियुक्त भएका छन् । संघका अध्यक्ष दुजाङ शेर्पाले अधिवक्तासमेत रहेका केन्द्रीय सदस्य सेजुवाललाई प्रवक्तामा नियुक्त गरेका हुन् ।
अध्यक्ष शेर्पाले दिएको नियुक्ती पत्रमा भनिएको छ–‘उपर्युक्त सम्बन्धमा तपाईं श्री अधिवक्ता सुरज सेजुवालज्यूलाई नेपाल विद्यार्थी संघ केन्द्रीय कार्यसमितिको प्रवक्ता मनोनयन गरिएको छ । नेविसंघको विधि, विधान र मर्यादाभित्र रहेर संघलाई गतिशिल बनाउनुहुनेछ भन्ने विश्वास लिएको छु । तपाईंको यो मनोनयनसँगै संघले थप उचाईं प्राप्त गर्ने विश्वाससहित पूर्ण सफलताको शुभकामना छ ।’
