काठमाडौं, ८ जेठ । नेकपा (एमाले) का नेता योगेश भट्टराईले कांग्रेसले प्रतिनिधि सभामा असंसदीय व्यवहार देखाएको टिप्पणी गरेका छन् । आज (मंगलबार) प्रतिनिधि सभा बैठकबाट बाहिरिने क्रममा सञ्चारकर्मीहरुसँग कुराकानी गर्दैै उनले यस्तो बताएका हुन् ।
‘सत्तापक्ष पेलेर जान खोज्यो भन्ने आरोप छ नि ?’ भन्ने प्रश्नमा उनले भने, ‘हामी वामपन्थीहरु, कम्युनिष्टहरु सरकारमा भएको हुनाले यो भाषा आएको हो । हामी एमालेहरु वेलमा बसेर नारा लगाइरहँदा कांग्रेसले कतिवटा विधेयक पास गर्यो । त्यसमा त कसैले कांग्रेसलाई पेलेर गयो भनेन नि ! एमालेले कस्तो असंसदीय आचरण देखाएको भनेर टिप्पणी गर्थे । आज कांग्रेसले असंसदीय आचरण देखाएको भनेर टिप्पणी गर्नुपर्यो नि ?’
