काठमाडौं, २१ जेठ । चलचित्र निर्देशक सुदर्शन थापा पक्राउ परेका छन् । मालिगाउँ प्रहरी वृत्तबाट खटिएको टोलीले उनलाई आज (सोमबार) पक्राउ गरेको हो । आपराधिक विश्वासघात कसुरमा उनलाई प्रहरीले पक्राउ गरेको बताइएको छ ।
उनलाई अहिले बौद्ध प्रहरी वृत्तमा राखिएको छ । चलचित्र ‘प्रसाद–२’ को विवादमा थापा र ओएसआर डिजिटल प्रालिका सञ्चालक ओमप्रकाश अग्रवालविरुद्ध निर्माता सुदर्शन बस्नेतले उजुरी दिएका थिए ।
ओएसआरका सञ्चालक अग्रवाल यसअघि नै पक्राउ परिसकेका छन् । उनीहरुविरुद्ध निर्माताको मञ्जुरीबेगर चलचित्र ‘प्रसाद–२’ प्रदर्शन गरेर ढेड करोडभन्दा बढी ठगी परेको आरोप छ ।
