काठमाडौं, २५ जेठ । ललितपुरको इमाडोलमा शनिबार निःशुल्क स्वास्थ्य शिविरको आयोजना गरिएको छ । सुनापाती पोलिक्लिनिक एवम् हेल्थ सेन्टर र महालक्ष्मी नगरपालिका वडा नम्बर २ को संयुक्त आयोजनामा शनिबार विहान साढे ७ बजेदेखि जेनियम नेसनल एकेडेमी इमाडोलमा विशेषज्ञ डाक्टरहरुको सहभागितामा निःशुल्क स्वास्थ्य शिविर सञ्चालन हुन लागेको हो ।
हेल्थ सेन्टरका सञ्चालक जीवन कुमार केसीका अनुसार निःशुल्क स्वास्थ्य शिविरमा सुगर परीक्षण सेवा, पिसाब जाँच, होलबडी चेकअपमात्रै ३ हजार र थाइराइड परीक्षण मात्र ६०० रुपैयाँमा गरिनेछ भने कतिपय निशुल्क पनि गरिनेछ ।
यस्तै, सम्पूर्ण ल्याब टेस्टमा २५ प्रतिशत, डिजिटल एक्स–रे र ईसीजीमा पनि २५ प्रतिशत नै छुट उपलब्ध रहेको केसीले बताए ।
स्वास्थ्य शिविरमा डा.अञ्जुली लिम्बु, किरण आचार्य, दीपक मिश्र, निलिमा बज्राचार्य, राजीव राजन यादव, अरुण कार्की, आनन्द कुमार मिश्रजस्ता विशेषज्ञ डाक्टरहरुको सहभागिता रहने छ । बालरोग विशेषज्ञ सेवा, सुगर, थाइराइड, मधुमेह हर्मोन रोग विशेषज्ञ सेवा, मुुटु रोग विशेषज्ञ सेवा, स्त्री रोग तथा प्रसूती विशेषज्ञ सेवा, जनरन फिजिसियन विशेषज्ञ सेवा, हाड जोर्नी तथा नशा रोग विशेषज्ञ सेवा र छाला तथा यौनरोग विशेषज्ञ सेवासमेत उपलब्ध हुने सन्चालक केसीले बताए ।
केसी स्वास्थ्य ब्यावसायमा अत्यन्तै अनुभवी ब्यक्तिको रुपमा चिनिन्छन् । केसीले स्वास्थ्य नै धन भएकाले सबैलाइ उपस्थितिको लागि आग्रह गरेका छन् ।
