काठमाडौं, असार ३० । चितवनको भरतपुर महानगरपालिका–२९ सिमलतालको पहिरोसँगै त्रिशूलीमा खसेका दुईवटा बस र बेपत्ता यात्रुको आज पनि खोजी भइरहेको छ । खोजीकै क्रममा सिमलतालभन्दा ४० किलोमिटर तल भरतपुर–२८ गोलाघाटनजिकै आज एउटा शव भेटिएको छ ।
नदीको टापुमा एउटा शव भेटिएको तर परिचय नखुलेको चितवनका प्रमुख जिल्ला अधिकारी इन्द्रदेव यादवले जानकारी दिनुभयो । हिजो एक भारतीयसहित तीन जनाको शव भेटिएर सनाखत भइसकेको छ ।
