काठमाडौं । नेपाली कांग्रेसका नेता डा शशांक कोइरालाले देशले महिला प्रधानमन्त्री पाएको हेर्ने इच्छा राखेका छन् ।
बुधबार काठमाडौंमा आयोजित एक कार्यक्रमलाई सम्बोधन गर्दै कांग्रेसका पूर्व महामन्त्री तथा वर्तमान प्रतिनिधि सभा सदस्यसमेत रहेका कोइरालाले महिलाहरु नेतृत्वमा आएमा देशले अर्को उचाई लिने विश्वास व्यक्त गरे । नेपालमा हालसम्म कोही पनि महिला प्रधानमन्त्री भएका छैनन् ।
उनले भने, ‘म महिला प्रधानमन्त्री भएको हेर्न चाहन्छु, आउँदो दिनहरूमा महिला प्रधानमन्त्री पनि बन्ने देखेको छु। महिला प्रधानमन्त्री हुँदा महिलाको मात्रै होइन पुरुषहरूको पनि नेतृत्व गर्ने क्षमता हुन्छ।’
