काठमाडौं । काठमाडौं उपत्यकाका सबै स्थानीय तहमा आज सार्वजनिक बिदा दिईएको छ ।
गत शुक्रबार निधन भएका कीर्तिपुर नगरपालिकाका मेयर राजकुमार नकर्मीको शोकमा आज उपत्यकाका स्थानीय तहमा बिदा दिईएको हो । मिर्गौला रोगबाट ग्रसित नकर्मीको शुक्रबार राती निधन भएको थियो ।
उक्त शोकमा काठमाडौँ उपत्यका मेयर्स फोरमले काठमाडौँ, ललितपुर र भक्तपुरका स्थानीय तहमा सार्वजनिक बिदा दिने निर्णय गरेको हो।
काठमाडौँ महानगरपालिकासहित उपत्यकाका पालिकाहरूले सूचना जारी गरी आज आफ्नो क्षेत्रका वडा कार्यालय, विद्यालयलगायत सार्वजनिक कार्यालय बन्द रहने जानकारी दिएका छन्।
