काठमाडौँ, १५ साउन । लायन्स क्लब आफ काठमाडौं हार्मोनिले सडक दुर्घटना न्यूनिकरण गर्न तारकेश्वर नगरपालिकालाई कन्भेक्स मिरर हस्तान्तरण गरेको छ । सडक दुर्घटना न्यूनिकरणको लागि स्थानीय सरकार तथा सामाजिक सस्था साझेदार कार्यक्रम अन्तर्गत कन्भेक्स मिरर हस्तान्तरण गरिएको लायन्स क्लब अफ काठमाडौं हार्मोनिका लायन दिपक पाण्डेले जानकारी दिए ।
नगरपालिको भवनमा लायन्स क्लब अफ काठमाडौं हार्मोनिका अध्यक्ष मुकुन्द अधिकारी, भरत अर्याल, भूपाल उप्रेती, राजेन्द्र बास्ताकोटी, डिष्ट्रिक ३२५ का गर्भनर लायन बिमल कुमार होडा, तथा अन्य पदाधिकारीले नगरपालिकाका मेयर कृष्ण हरि महर्जनज्यूलाई २० थान कन्भेक्स मिरर हस्तान्तरण गरेका थिए ।
क्लबका संरक्षक लायन भरत बहादुर आर्यालले स्थानीय सरकार तथा सामाजिक सस्था साझेदार कार्यक्रम अन्तर्गत बिगतमा बिभिन्न नगरपालिकामा सहयोग हस्तान्तरण गरिसकेको र आगामि दिनमा आवश्यकता र माग भए बमोजीम यस कार्यलाई निरन्तरा दिने जानकारी गराए ।
कार्यक्रममा मेयर महर्जनले सम्पूर्ण सरोकारवाला सामाजीक अभियन्ताहरूलाइ धन्यवाद व्यक्त गर्दै साझेदार कार्यक्रम अन्तर्गतको कुनै पनि सहयोग सानो नहुने र सडक दुर्घटना न्यूनिकरणको लागि अत्यन्त प्रभावकारी हुने धारणा व्यक्त गरे ।
