काठमाडौं, २६ साउन । विशेष अदालत बार एशोसिएशनको अध्यक्षमा टीकाबहादुर कुँबर निर्वाचित भएका छन् । आज (शनिबार) सम्पन्न भएको कार्यसमितिको निर्वाचनमा कुवँर निर्विरोध निर्वाचित भएका हुन् ।
त्यस्तै, उपाध्यक्षमा २५ मत ल्याएर शशिनाथ मरासिनी निर्वाचित भएका छन् । त्यसैगरी सचिवमा युवराज बन्जाडे, सहसचिवमा कोपिला बस्नेत, कोषाध्यक्षमा गणेश घिमिरे, महिला सदस्यमा मौसम राई निर्वाचित भएका छन् ।
त्यस्तै, ७ जना खुल्ला सदस्यमा सन्तोष कोइराला, गौरव डाँगी, शिवराम श्रेष्ठ, वसन्त जोशी, कुमार राज कार्की, यज्ञप्रसाद खतिवडा र बोलाराम पाण्डे निर्वाचित भएका छन् । नवनिर्वाचित टिम पूरै पीपीएल समूहका हुन् । नवनिर्वाचित टीम नेकपा (एमाले) निकट प्रगतिशील तथा पेशागत कानुन व्यवसायी संगठन (पीपीएलए) का उम्मेदवार हुन् ।
