काठमाडौं, २८ साउन । नेपाली कांग्रेसका प्रभावशाली युवा नेता नैनसिंह महरले माओवादी केन्द्रका अध्यक्ष पुष्पकमल दाहाललाई भेटेका छन् । दाहाल निवास खुमलटारमा पुगेर भेटेको तस्विर सार्वजनिक गरेका महरले समसामयिक विषयमा कुराकानी भएको जनाएका छन् ।
यसअघि उनले एमाले महासचिव शंकर पोखरेलसँग पार्टी कार्यालय च्यासलमा पुगेर भेटवार्ता गरेका थिए । पछिल्लो समय नेता महरले राजनीतिक भेटवार्तालाई तिव्रता दिएका छन् । अहिले कांग्रेसको केन्द्रीय कार्यसमितिको बैठक चलिरहेको छ ।
बैठक जारी रहेकै अवस्थामा महरले राजनीतिक भेटवार्तालाई बढावा दिएका छन् । उनी कांग्रेस सभापति शेरबहादुर देउवाको विश्वासपात्र नेताको रुपमा चिनिन्छन् ।
