काठमाडौं, १३ भदौ । नेकपा (एमाले) का सांसद योगेश भट्टराईले माओवादी जनयुद्धलाई १० वर्षे हिंसा भनेपछि अहिले माओवादीका नेता तथा कार्यकर्ता पँक्ति भट्टराईमाथि खनिएको छ । खासगरी माओवादीका सांसदहरुले नै हिजो संसद्मा भट्टराई बोल्नेबित्तिकै नियामापत्ति गरेका थिए ।
अहिलेपनि सामाजिक सञ्जालमा भट्टराईमाथि चर्को आलोचना भैरहेको छ । माओवादी केन्द्रका सांसद राजन दाहालले महान जनयुद्धको बलामा प्राप्त उपलब्धिहरु उपभोग गर्ने अनि महान जनयुद्धलाई हिंसा भन्ने ? भन्दै योगेशलाई बैगुनी केटोको संज्ञा दिएका छन् ।
उनले योगेशलाई नम्बरी ठग नै भनेका छन् । दाहालको उक्त फेशबुकको धारणा माओवादी केन्द्रका उपमहासचिव जनार्दन शर्माले समेत साझा गरेका छन् ।
