काठमाडौं । सभामुख देवराज घिमिरेले सहकारी ठगीबारे छानबिन गर्न गठित समितिको प्रतिवेदन सबै सांसद्ले पढ्न पाउने बताएका छन् ।
सोमबार बसेको प्रतिनिधि सभा बैठकमा नेमकिपाका सांसद प्रेम सुवालले प्रतिवेदन सांसदले कहिले पढ्न पाँउछन् भन्दै प्रश्न गरेका थिए ।
प्रश्न गरेपछि सभामुख देवराज घिमिरेले प्रतिवेदन पाउने बताए । तर कहिले प्रतिवेदन पाउने भन्ने बारेमा भने मिति तोकेनन् ।
सभामुखले भने, ‘सबैले पाउनुहुन्छ । कपी हुन बाकी छ ।’ यो सँगै प्रतिनिधि सभाको चौथो चालु अधिवेशन सकिएको पत्र पढेर सभामुखले सभा अन्त्य गरेका छन् ।
