काठमाडौं । पहिलो विकेटका लागि आन्द्रेस गौस दिनेश खरेलबीच १७६ रनको विशाल कीर्तिमानी साझेदारी कायम भएपछि पोखरा एभेन्जर्सले नेपाल प्रिमियर लिग (एनपीएल) मा शानदार जित निकालेको छ ।
आज भएको खेलमा लुम्बिनी लायन्सलाई १० विकेटले पाखा लगाउँदै पोखराले शानदार जित दर्ता गरेको हो ।जारी प्रतियोगितामा यो अहिलेसम्मको सबैभन्दा ठूलो साझेदारी हो ।
गौस र दिनेशले यसअघि जनकपुरका हर्ष थाकेर र लहिरु मिलान्थाको नाममा रहेको कीर्तिमान तोडेका हुन् । यसअघि थाकेर र मिलान्थाले विराटनगर किंग्सविरुद्ध ११६ रनको साझेदारी गर्दै यो कीर्तिमान बनाएका थिए । थाकेर र मिलान्थाले तेस्रो विकेटका निम्ति यो साझेदारी गरेका थिए ।
टीयु क्रिकेट मैदानमा लुम्बिनीले दिएको १७१ रनको लक्ष्य पछ्याएको पोखराले १६ ओभर ५ बलमा विना विकेटको क्षतिमा पुरा गर्यो ।
पोखराका ओपनर आन्द्रेस गौस र दिनेश खरेलले १७६ रनको कीर्तिमानी अविजित साझेदारी गरे । गौसले एनपिएलकै पहिलो शतक प्रहार गरे । गौस १०४ र खरेल ६१ रनमा अविजित रहे ।
