काठमाडौं, मंसिर १६। सिरहामा कार्यरत सशस्त्र प्रहरीका सईको मदिरा तस्करी गर्ने गाडीको ठक्करबाट निधन भएको छ । जिल्लाको बरियारपट्टी गाउँपालिका–१ कचनारीमा आज विहान मदिरा तस्करी गर्ने गाडीको ठक्करबाट ड्युटीमा रहेका सई लक्ष्मणप्रसाद यादवको घटनास्थलमै मृत्यु भएको हो ।
उनलाई बीओपी बरहरीमा आज बिहान करिब ३ बजे नम्बर खुल्न नसकेको चारपाङ्ग्रे गाडी ठक्कर दिएर भारतर्फ भागेको हो । तीव्र गतिमा आएको गाडी सई यादवले रोक्न खोजेपछि उनैलाई ठक्कर दिएर भागेको थियो ।
भारततर्फ भागेको गाडीको नम्बर खुल्न सकेको छैन । गाडीको खोजतलास भइरहेको प्रहरीले जनाएको छ। यादवको शव पोस्टमार्टमका लागि लहान प्रादेशिक अस्पतालमा राखिएको छ ।
