१० मंसिर, धादिङ । रिपोर्टर्स क्ल्ब नेपालका सभापति ऋषि धमलाले मतदान गरेका छन् । पत्रकार धमालाले निलकण्ठ नगरपालीका शंखादेवी विद्यालयमा रहेको केन्द्रबाट मतदान गरेका हुन् । धमला मतदानका लागि काठमाडौंबाट धादिंङ आईपुगेका हुन् ।
मतदान गरेपछि संक्षिप्त प्रतिक्रिया दिँदै धमलाले प्रतिनिधिसभा र प्रदेशसभा चुनावलाई उत्सवको रुपमा सबैले लिनुपर्ने बताउँदै लोकतन्त्रलाई संस्थागत गर्नको लागि पनि निर्वाचन अतिआवश्यक रहेको बताए ।
प्रतिनिधिसभा र प्रदेशसभाको पहिलो चरणको चुनाव अन्तरगत धमलाको गृहजिल्ला धादिङमा आज मतदान हुँदैछ ।
मतदान गर्न लाइनमा रहेका मतदाताहरुले धमलालाई विकासप्रेमी भन्दै पत्रकारितामार्फतपनि धादिंङको विकासको लागि धमलाले उल्लेखनीय भूमिका निर्वाह गरेकोमा खुशी व्यक्त गरेका थिए ।
धमलाले आफ्तो गृहजिल्लामा खानेपानी, स्वास्थ्य, शिक्षा लगायतका क्षेत्रमा ठूलो योगदान पुर्याएका छन् । धमलाले पनि धादिंङको विकासको लागि आपूmलै कुनै कसर बाँकी नराख्ने समेत प्रतिबद्धता व्यक्त गरेका थिए ।
धमलाले आफ्नो पहलमा विभिन्न हेल्थ पोष्टको लागि एम्बुलेन्स, करोडौंको खानेपानी योजना पुर्याएका छन् । अहिले पनि खानेपानी परियोजनाका कार्यहरु निर्माणाधिन छन् ।
मतदानपछि धमला स्थानीय जनतासँग छलफलमा व्यस्त भएका थिए ।
